Postby Neg Timid » Fri Apr 15, 2016 9:31 am
Mwen panse misye te ka jis di dezyèm CD sa-a pi bon li fini. Li pa't bezwen fè tout kout gidon sa yo. Paske pozisyon pèsonèl li pran an pa jistifye reyalite a. Okontrè, gade tout kòb l'ap fè. Li menm ankò avèk bouch li di w, sa fè lontan li pa gen yon lavant kon sa. Mas piblik la li menm k'ap achte CD a kontinye ap achte l tankou pate cho. Sa nou konprann nan bagay sa-a?
M'ap swiv byen, anpil moun bliye sa yo te di lè premye CD Klass la te sòti. Yo te di premye CD a te manke komèsyal, sitou lè w'ap tande mizik tankou, « Nou se Ayisyen » e tou... Dezyèm CD a fin sòti, kounyenya anpil ladan yo ap di yo te pi renmen premye CD a; paske nan dezyèm lan Richie fè twòp bagay, li pa swiv menm liy avèk premye a (ki ta vle di, se yon lòt konsèp totalman diferan.) Yon lòt bò menm, Seals yo menm ap di w se yon bouyon rechofe, ki ta vle di se menm premye CD a ki repwodwi nan dezyèm lan. Mwen pa konn si nou wè tout kontradiksyon dwat-e-gòch ki genyen nan tout deklarasyon k'ap fèt yo. Sa montre w, ket se sa ki di w yo te pi renmen premye a, ket se sa ki di w se bouyon rechofe, yo youn pa konn sa y'ap pale. Yo poko janm konprann sa k frape yo la-a. Se piblik la k'ap achte CD a tankou pate cho a ki konprann vre sa yo tande ladan l.
De jou an jou Klass kontinye ap demaske anpil moun ki pa sensè avèk tèt yo. Paske nan ap vire lang nou pou ap pran dè pozisyon malefis jis pou nou pa bay Klass kredi li merite, nou parèt lèd anpil.
NT
Facebook/: Les Jean-Philippe
