Postby Neg Timid » Sat Apr 23, 2016 9:54 pm
Malgre an reyalite yon fi patap fenk rankontre yon jennonm pou l ta pran l antre l anndan lakay li kon sa; ou pa menm reyalize ke se yon film, tèlman ti senaryo videyo a byen monte. Mwen renmen liy sa-a: « Ki fanm sa ki bèl anfòm ki kanpe la? » Li fè pawòl flannè. Li fè m sonje lè nou 2-3 jèn gason debake yon kote, epi yon bèl bebe nan pami tout lòt fanm ki anndan an ap domine kote a... Epi, antre nou, n'ap chwichwichwi avèk lòt sou do fi a. San ke nou youn pa menm konnen fanm lan, n'ap mande lòt: « Mesye, ki ti fanm sa, li pa mal non? » Li fè komik lè w panse avèk sa; paske nou youn pa ka vrèman reponn kesyon an, ki fanm, fanm lan ye, pa zavan youn nan nou met gason sou li pou l'al koze avèk fi a fas-a-fas.
Brèf ! Mizik la avèk videyo a te trè rafrechisan. Sa tèlman fè lontan Ralph t'ap met « foumi nan janm medam yo » nan Papash, nou bliye si l te konn fè ti degaje l tou nan chante.
NT
Facebook/: Les Jean-Philippe
